බහුපාර්ශ්වික නාවික අභ්‍යාස රිම්පාක් 2022 සඳහා ඉන්දියානු නාවික හමුදාව සහභාගී වේ.

එක්සත් ජනපද නාවික හමුදාව විසින් මූලිකත්වය දරන බහුපාර්ශ්වික නාවික අභ්‍යාසය රිම් ඔෆ් ද පැසිෆික් (රිම්පාක්) අභ්‍යාස 2022 සඳහා ඉන්දියානු නාවික හමුදාව ද සහභාගී වේ.

මෙම අභ්‍යාසයට සහභාගී වීම සඳහා ඉන්දීය නාවික හමුදාවට අයත් අයි.එන්.එස් සත්පුර නාවික නෞකාව P8I සමුද්‍ර මුර සංචාර ගුවන් යානය ද සහිතව සඳුදා දින හවායි හි පර්ල් වරායට ළඟා විය.

ඉන්දීය ආරක්ෂක අමාත්‍යාංශය අඟහරුවාදා ප්‍රකාශ කළේ සති හයක් පුරා පැවැත්වෙන මෙම නාවික පුහුණු අභ්‍යාසයේදී හමුදාවන් අතර අන්තර් ක්‍රියාකාරීත්වය වැඩි දියුණු කිරීම සහ මිත්‍රශීලී විදේශ රටවල නාවික හමුදා අතර විශ්වාසය ගොඩනැගීම මූලික වශයෙන් අරමුණු වන බවයි.මෙම බහුමාන අභ්‍යාසයේ වත්මන් අදියරට රටවල් 27ක් සහභාගී වේ.

අයි.එන්.එස් සත්පුර නෞකාව යනු ටොන් 6000ක් බරැති මාර්ගෝපදේශක මිසයිල රහසිගත ගබඩා කළ හැකි යාත්‍රාවකි. එය ගුවනේ දී සහ සයුරේදී මෙන්ම සමුදුර පතුලේ සැඟව සිටින සතුරා සෙවීමට සහ විනාශ කිරීමට සන්නද්ධ ශක්තිය සහිත ස්වදේශිකව නිර්මාණය කර ඇති ඉන්දියාවේ විශිෂ්ට නාවුක ශක්තියකි.

අයි.එන්.එස් සත්පුර නෞකාව දැනට ඉන්දියාවේ නිදහසේ 75 වන වසර තුළ දීර්ඝ මෙහෙයුම් යෙදවීමක යෙදී සිටී. තවද මෙය විශාකාපට්නම් හි පිහිටි නැගෙනහිර බලඇණියේ පෙරටුගාමී ඒකකයක් ද වේ.

ඉන්දියා නිවුස් නෙට්වර්ක්ස්

You might like

About the Author: Lanka Info News